Presidentja Vjosa Osmani, kryeministri Albin Kurti dhe kryeparlamentari Konjufca në 24-vjetorin e përkujtimit të kësaj ngjarje bënë nderime dhe homazhe te pllaka përkujtimore e ushtarëve të rënë të NATO-s, në varret e ish-presidentit Ibrahim Rugova e veprimtarit Adem Demaçi, e më pas edhe në kompleksin memorial “Adem Jashari”, në Prekaz.
Edhe pse pas çerek shekulli, Prishtina zyrtare po përjeton një realitet tjetër në raport me aleatët e saj ndërkombëtarë në raport me zhvillimet e fundit në veri të Kosovë.
“Përulemi para gjithë dëshmorëve dhe martirëve të kombit dhe të gjithë atyre të cilët dhanë jetën për lirin e popullit dhe çlirimin e Kosovës. Ndërhyrja ushtarake e NATO-s e ndaloi gjenocidin e Serbisë mbi popullin tonë gjithnjë dhe përgjithmonë jemi falënderues dhe mirënjohës”, tha Kurti.
“Jemi mirënjohës përherë dhe përsërisim për të gjithë ata që dhanë gjithçka për lirinë tonë, mirënjohjen e përjetshëm për miqtë që lirinë, demokracinë ta kemi realitet dhe ta gëzojnë të gjithë qytetarët”, u shpreh Osmani.