Anëtarësimi i Serbisë në BE, njohja e Kosovës bëhet kusht zyrtarisht

Njohja de facto e Kosovës bëhet zyrtarisht një kusht për Serbinë, nëse do që të jetë në Bashkimin Europian. Ambasadorët e vendeve anëtare miratuan tekstin e përditësuar për kapitullin 35, që nënkupton se Serbia duhet të zbatojë plotësisht detyrimet që rrjedhin nga marrëveshja e normalizimit me Kosovën dhe aneksin e zbatimit të arritur në Ohër. Në vendimin e fundit të ambasadorëve të shteteve të BE-së, thuhet se të gjitha diskutimet për zbatimin e paktit për normalizimin duhet të zhvillohen në kuadër të dialogut Prishtinë-Beograd.