Festat e 28 nëntorit/ Manastiri maqedonas mbulohet me mbishkrime “vdekje për shqiptarët”

Festat e 28-29 nëntorit, manastiri maqedonas mbulohet me mbishkrime “Vdekje për shqiptarët”

Nuk ka kaluar një javë nga mbishkrimet në Shtëpinë e Alfabetit, në Manastir janë paraqitur pllakate tjera me mbishkrime “Vdekje për shqiptarët” dhe “Stop shqiptarizimit të Maqedonisë”.

Kësaj radhe mbishkrimet janë vendosur te Drejtoria e parkut nacional “Pelisteri” shkruan ‘Gazeta Lajm’. Pllakatet e vendosura janë të njëjta me ato që u vendosën më 22 nëntor te Shtëpia e Alfabetit, në përvjetorin e mbajtjes së Kongresit të Manastirit.

Provokime të tilla ndodhin vazhdimisht në prag të zgjedhjeve te Muzeu i Alfabetit. Për shkak se autorët nuk zbulohen asnjëherë nga policia, shumë analistë supozojnë se pas këtyre demolimeve qëndrojnë partitë në pushtet, të cilat mënyrën më të lehtë e për të fituar zgjedhjet e kanë nxitjen e urrejtjes ndëretnike.

Për këtë arsye, analistët apelojnë që shqiptarët të votojnë kundër partisë në pushtet, sepse vetëm në atë mënyrë mund të ndalen këto lloj provokime.