Gjukanoviç kundër ”Open Balkan”: Kthim në Serbinë e Madhe

Presidenti i Malit të Zi, Milo Gjukanoviç del kundër nismës rajonale ”Open Balkan”, duke thënë se anëtarësimi i Malit të Zi është kthim në Serbinë e Madhe.

”Është një agresion i poshtër që donte ta nxirrte Malin e Zi nga plejada politike evropiane dhe euroatlantike dhe ta kthente nën ”Serbinë e Madhe”, nën ombrellën e sigurisë së ”Rusisë së Madhe””.

Nga ana tjetër, ai shtoi se qeveria ka komprometuar Malin e Zi si vend anëtar i NATO-s përmes rrjedhjes së pakontrolluar të të dhënave të sigurisë.