Ish-ministri i Jashtëm i Kosovës, Enver Hoxhaj ka kritika për qeverinë e Albin Kurtit. Sipas Hoxhaj, kryeministri i Kosovës duhet të shfrytëzojë vëmendjen e SHBA dhe BE për rajonin e Ballkanit dhe të mbajë një qëndrim të qartë për dialogun.
“Për mua është e rëndësishme që të merret dialogu mes dy vendeve si një çështje serioze që ta shfrytëzojmë këtë vëmendje të SHBA dhe BE. Qeveria e Kosovës aktualisht nuk ka politikë të jashtme dhe për këtë arsye nuk i ka synim njohjet e reja apo anëtarësimet në organizata ndërkombëtare.
Kryeministri Kurti duhet të dalë i qartë për të ardhmen e dialogut sesa të blejë kohë me një diskurs romantik që nuk i sjell asgjë Kosovës. Në një kohë kur SHBA dhe BE kërkojnë që Kosova të përqendrohet në një marrëveshje për njohje të ndërsjellë. Është e domosdoshme që Kosova të shtrojë pyetjen se çfarë mund të arrihet në këtë kohë”.
