Kuvendi i Maqedonisë vijon debatin për gjuhën shqipe

Debati për propozim ligjin për shfrytëzim të gjuhëve vijon edhe sot në Kuvendin e Maqedonisë.

Në debatin e deritanishëm për këtë ligj, edhe në debatet e komisioneve  edhe  në vazhdimet e seancave plenare, opozita akuzoi se “ligji është jokushtetues, me të shkelen procedurat dhe se miratimi i tij do të sjellë deri në dygjuhësi në tërë shtetin”. Sipas opozitës, me këtë ligj diskriminohen edhe bashkësitë më të vogla etnike.

Ndërkaq, sipas shumicës parlamentare, ligji është në pajtim me Kushtetutën, nuk e shkel karakterin unitar të shtetit dhe do të kontribuojë për rritjen e bashkëjetesës në shtet.

Propozim-ligji për shfrytëzimin e gjuhëve është në lexim të parë të seancës plenare.