Ministrja Gërvalla: Vuçiç dhe Putin janë të gatshëm për l*ftë!

Ministrja e Punëve të Jashtme të Kosovës, Donika Gërvalla tha se në konferencën për media pas mbledhjes së qeverisë se gjatë vitit 2023 vendi ka investuar në siguri dhe mbrojtje.

Ajo tha se tejkalimi i kuotës së NATO-s prej më shumë se 2 për qind të GDP-së për mbrojtje është një prej treguesve të dukshëm të fokusit të Qeverisë për sektorin e sigurisë.

“Prania e aleatëve, partnerëve tanë, sidomos e KFOR-it ka rëndësi strategjike jo vetëm për Kosovën, por edhe për paqen në Evropën Juglindore”, tha ajo, gjersa shtoi se kontingjenti i ushtarëve të KFOR-it është rritur nga 4500 në 5500 brenda disa javësh.

Ajo theksoi se aleatët e Kosovës e kanë kuptuar se presidenti serb Vuçiç dhe ai rus, Putin janë të gatshëm për çdo përshkallëzim, përshirë edhe luftën.