Plagoset me armë zjarri kandidati shqiptar për këshilltar në Komunën e Kërçovës (Video)

Tensionohet situata në prag të zgjedhjeve lokale në Maqedoni. Gjatë mbrëmjes së sotme kandidati i pavarur shqiptar për këshilltar në Komunën e Kërçovës, Alit Abazi është plagosur me armë zjarri nga persona ende të paidentifikuar.

Mediat në Maqedoni raportojnë se ngjarja ka ndodhur në Kërçove dhe përveç kandidatit Alit Abazi i plagosur ka mbetur edhe Shefi i shtabit të tij Destan Abdiu dhe një person tjetër.

Nuk dihen ende shkaqet dhe motivet e plagosjes, por paraprakisht dyshohet se ngjarja ka prapavijë politike. 3 të plagosurit janë dërguar në spital për ndihmë mjekësore. Forca policie kanë mbërritur në vendngjarje dhe kanë nisur hetimet.