Presidentja e Kroacisë: Më vjen keq që s’mora pushkën dhe nuk qëllova serbët

Presidentja e Koracisë, Kolinda Grabar-Kitarovic ka ngjallur reagime të mëdha në Serbi, me deklaratën bombastike. Duke folur për luftën që ka pasur Kroacia me Serbinë, Kitarovic ka deklaruar se asaj i vjen keq që nuk ka qëlluar serbët. E përditshmja serbe Informer e ka hapur gazetën e sotme me fotografinë e presidentes kroate me uniformë ushtarake.

“Žao mi je što nisam pucala na Srbe”. “Më vjen keq që nuk i kam qëlluar serbët”, është titulli i shkrimit të gazetës serbe. Kitarovic deklaron se është ndier e penduar që nuk mori një pushkë dhe nuk iu bashkua luftës ndaj serbëve gjata operacionit ‘Olluja’ apo siç njihet ndryshe ‘Stuhia’.

Kujtojmë se presidentja kroate është bërë qendër e vëmendjes edhe nga mediat botërore për shkak të vendimeve të saj, pamjes, gjesteve dhe shumë cilësive që karakterizojnë atë si presidente.