Sulmi në uzinën e Gramshit, Kurti: Hetimet të zbardhin sa më parë rrethanat e ngjarjes

Për sulmin ndaj ushtarëve shqiptarë në uzinën e armëve në Gramsh nga dy shtetas nga rusia dhe një nga Ukraina, ka reaguar edhe kryeministri i Kosovës, Albin Kurti.

Në emër të qeverisë, Kurti e dënoi incidentin dhe ka uruar që hetimet të zbardhin sa më shpejt rrethanat e kësaj ngjarje.

“U dëshirojmë shërim të shpejtë dy ushtarakëve shqiptarë të lënduar nga sulmi me sprej neoparalizues. Ministria jonë e Mbrojtjes, është në kontakt me Ministrinë e Mbrojtjes së Republikës së Shqipërisë”, thuhet në njoftimin e Zyrës së Kryeministri.