Ushtria e Maqedonisë së Veriut, shqiptari i parë që emërohet komandant

Besnik Emini do të qëndrojë në krye të brigadës së parë të makinerisë këmbësore në komandën e përbashkët operative në shtabin e përgjithshëm të Ushtrisë së Maqedonisë së Veriut. Emini është shqiptari i parë që do të marrë një post të tillë në një tjetër shtet. Besnik Emini, tashmë komandant në ushtrinë e Maqedonisë së Veriut zëvendësoi paraardhësin e tij Dragan Kovaçkin. Emërimi i Eminit është bërë ditën e sotme pa praninë e kamerave.