Vijojnë lëkundjet në Itali, tjetër tërmet i fuqishëm

Lëkundjet sizmike në Itali vijojnë edhe mbrëmjen e kësaj të enjte, pas atij të një dite më parë me magnitudë 5.7 Rihter që goditi vendin dhe që shkaktoi panik te banorët e Marche. Tërmeti ishte me magnitudë 4.7 Rihter dhe si epiqendër kishte zonën e Riminit, por për ekspertët mendohet të jetë një paslëkundje e goditjes së djeshme. Deri në këto momente nuk raportohet për persona të lënduar apo dëme nga tërmeti.