Zbulohen armatime në veri, ministri Sveçla: Mbetje e armatimit të grupeve terroriste nga Radoiçiç të dirigjuara nga Vuçiç

Policia e Kosovës ka zhvilluar këtë të martë një operacion të madh në veri të Mitrovicës ku ka gjetur dhe konfiskuar një sasi të madhe armatimesh. Gjatë një konference të jashtëzakonshme për mediat, zyrtarët e lartë të policisë kanë bërë të ditur se këto janë planet ogurzeza të Serbisë.

Ministri i Brendshëm, Xhelal Sveçla tha se ky arsenal është mbetje e armatimit të grupeve terroriste nga Radoiçiç të dirigjuara nga presidenti i Serbisë Aleksandër Vuçiç.

“Është depoja e pestë që brenda vitit që ne kemi zbuluar dhe është edhe një dëshmi e përfshirjes direkte e shtetit të Serbisë në tendencën për të destabilizuar Kosovën me qëllim okupimin e saj, ose pjesë të saj”.