Zgjedhjet në Maqedoninë e Veriut, kandidati shqiptar për deputet: Ja kush e fiton garën për President

Kandidati për deputet nga Fronti Evropian në Maqedoninë e Veriut, Ilir Hasani thotë se nga rezultatet e para është e qartë që fituese për President të vendit është kandidatja e partisë opozitare, VMRO-DPMNE.

”Këto zgjedhje kanë qenë mjaft të ngarkuara në të gjitha aspektet sidomos në bllokun shqiptar. Sa i përket qytetarëve është kaluar pragu prej 40% për balotazhin e zgjedhjeve presidenciale. Sa i përket zgjedhjeve parlamentare, Fronti Evropian është në epërsi për momentin. Për Presidentin, është e qartë se fituese është kandidatja e VMRO-DPMNE.

Unë jam kandidat nga Fronti Evropian dhe mund të them se jemi në epërsi në të gjitha vendvotimet. Shumica e shqiptarëve që kanë sado pak ndërgjegje nuk e kanë hedhur fletën në kutinë e votimit për President për shkak të deklarimeve të kandidates për Presidente. Së pari numërohen votat për President pastaj për deputetë. Presim për disa orë të kemi rezultatet”, tha ai.