42 kg në pesë muaj me dietën ketogjenike

Me ngrohjen e motit dhe afrimin e verës, të gjithë duan të ndryshojnë regjimin ushqimor e fizik, që të kenë një trup më të shëndetshëm por pak mund të kane arritur rezultatet e këtij babai 40 vjeçar. Ai nisi një regjim të fortë palestre dhe dietash të kontrolluara dhe me vullnet të hekurt arriti të heqë gati 42 kg për 150 ditë. Frymëzimi i tij? Familja.

“E bëra për familjan time. Po shihja që nuk kisha energji të mjaftueshme në punë. Dua ta bëj punën mirë që ta mbaj familjen sa më mirë. Pashë veten në pasqyrë dhe kjo ishte ajo që më shtyu”, thotë 40 vjeçari Jeremiah Peterson, nga Montana, SHBA.

Veç kësaj, ai thotë që ka ndjekur dietën ketogjenike si dhe shumë stërvitje, sidomos në natyrë. Me rezultatet, tashmë ka mbledhur rreth 100 mijë ndjekës në Instagram.

Programi me pak karbohidrate dhe shumë yndyrna, do të thotë se ata që e zbatojnë konsumojnë proteina të moderuara dhe pjesën më të madhe të energjisë e marrin nga yndyrnat.

A funksionon vërtetë kjo dietë?

Shoqata e Dietologëve të Australisë duke e analizuar këtë regjim ushqimor ka zbuluar tre gjëra që njerëzit duhet të konsiderojnë para se të nisin këtë dietë. Yndyra është burimi kryesor i energjisë që konsumohet, trupi duhet ta përdorë këtë si energji kryesore apo “karburant”, shpjegojnë ata.

“Kur yndyrnat e dietës metabolizohet në energji, prodhon nëprodukte të quajtura “ketone bodies”, molekura që formohen nga melçia nga acidet yndyrore. Ato përdoren nga indet e trupit, muskujt dhe truri. Ky proces njihet si “ketosis”. Trupi hyn në ketosis gjatë kohës së një kufizimi të ashpër të energjisë, si gjatë agjërimit, apo urisë, apo ushtrime intense të stërzgjatura. Apo kur marrja e karbohidrateve reduktohet në rreth 50 gr për ditë, apo më pak, e barabartë kjo me dy feta bukë apo një banane”, thonë dietologët.

Kur vjen puna tek humbja e peshës, ekspertët thonë se ata që ndjekin Dietën Keto “pa dyshim që do të bihen shumë shpejt në peshë”. Këtë ata e shpjegojnë me reduktimin total të energjisë që merret, (kiloxhaul), zbrasjes së glikogjenit të mëlçisë dhe të muskujve, të lidhura me ujin, dhe reduktimi i oreksit. Gjithashtu duhet të keni parasysh se për shkak se dieta është e ulët në fibra, simptomat gastrointestinale mund të çojnë dhe në kapsllëk. Kjo për ekspertët do të thotë një rrezik më i lartë i kancerit të zorrëve në terma afatgjatë. Sfida të tjera janë ato që lidhen me aspektin social të ushqyerjes.

Sasia e vogël e drithërave, frutave dhe perimeve është gjithashtu shqetësues kur drithërat lidhen me reduktimin e përkeqësimit të kushteve shëndetësore dhe frutat e perimet janë një burim i mirë vitaminash, mineralesh dhe fibra. Pavarësisht të gjithave, dietologët thonë se kjo dietë nuk rekomandohet për popullatën e gjerë për sa kohë që efikasiteti afatgjatë dhe siguria e kësaj diete nuk dihet, pasi është studiuar vetëm në termat afatshkurtër.