Arsyet pse duhet t’i keni patjetër arrat në tryezën e Vitit të Ri
Arrat janë simbol i jetës dhe mbarësisë.
Në besimet e lashta simbolizonin mençurinë dhe lumturinë.
Në shumë vende të botës, arrat dhurohen në mbrëmjen e Vitit të Ri me dëshirën e mirë për një fillim të ri e të mbarë.
Arrat rekomandohet të përfshihen në gatimet e fundvitit sidomos në një kek me arra në të cilën mund të futet një monedhë.
Personi që gjen monedhën besohet në shumë qytetërime të ketë një vit të mbarë.
Arrat gjithashtu simbolizojnë lumturi për individin dhe familjen.
Përveç shijes, arrat janë gjithashtu të pasura në vlera fantastike për trurin dhe gjithë organizmin.
Pasuria në vlerat e shpjeguara më poshtë në këtë artikull të AgroWeb.org justifikojnë besimin popullor se arrat janë një ushqim fatsjellës.
Më Shumë Energji
Studimet tregojnë se arrorët (arra, lajthi, bajame) parandalojnë sëmundjet e zemrës.
Arrat përmbajnë acide yndyrore të fuqishme.
Acidi linoleik në veçanti pastron enët e gjakut dhe ul kolesterolin.
Zemër E Fortë
Arrat janë burim i pasur i acideve yndyrore omega-3, tejet të rëndësishme për një jetë të shëndetshme.
Studimet kanë sugjeruar se këto yndyrna luftojnë inflamacionin, duke ulur rrezikun e presionit të gjakut, sëmundjeve të zemrës, hemoragjisë cerebrale, kancerit të prostatës dhe të zorrës së trashë.
Truri
Arrat konsiderohen si një nga ushqimet më të mira për shëndetin mendor.
Acidet yndyrore tek arrat janë në një nivel të lartë dhe përmirësojnë aftësitë e të nxënit tek fëmijët dhe funksionet mendore tek të rriturit.
Kockat
Përveç vitaminave, arrat janë dhe një burim i pasur me minerale si manganezi, kaliumi, kalçiumi, hekuri, magnezi, zinku, fluori dhe selenium.
Kaliumi ndihmon në kontrollimin e rrahjeve të zemrës dhe të presionit të gjakut.
Lëkura
Arrat dhe të gjitha frutat arrore janë shumë të pasura me vitaminë-E, një antioksidant shumë i fuqishëm.
Vitamina E, është e nevojshme për të ruajtur integritetin e membranës së qelizave, të membranës së mukusit dhe të lëkurës, duke e mbrojtur nga radikalet e lira.
