Çaji i xhenxhefilit shëron kollin, gripin, marramendjet, alergjitë

Me ardhjen e dimrit dhe ditëve të ftohta, trupi jonë ka nevojë për agjentë të ndryshëm shërues në mënyrë që të na forcojë imunitetin dhe të na mbrojë nga i ftohti dhe gripi.

Nëse nuk dëshironi të blini vitamina në farmaci, atëherë konsumimi i çajit të xhenxhefilit mund të jetë zgjedhja e duhur sepse përmban shumë nutrientë, transmeton Telegrafi.

Përgatitja e çajit është shumë e thjeshtë: mjafton ta prini një pjesë pesë-centimetërshe të xhenxhefilit dhe ta gatuani për 15 minuta. Çaji mund të ëmbëlsohet me mjaltë dhe mund t’i shtoni edhe limon për shije më të mirë.

Xhenxhefili përdoret për trajtimin e shumë problemeve shëndetësore, disa prej të cilave janë marramendjet, alergjitë, kolli, inflamacioni i sinuseve, ethet, pneumonia, problemet menstruale, gjumi i dobët, etj.

Konsumimi i rregullt i çajit të xhenxhefilit e redukton rrezikun e sulmeve të trurit, i pastron venat, dhe i zvogëlon nivelet e kolesterinës në gjak.