Diabeti mund të zbulohet më shpejt

Shenjat paralajmëruese të diabetit të llojit 2, mund të zbulohen edhe 20 vite përpara diagnostikimit të sëmundjes, thonë shkencëtarët.

Nivelet e ngritura të sheqerit dhe rezistenca e insulinës janë vënë re te njerëzit, që përpara se ata të shfaqnin shenjat e para të sëmundjes, raporton BBC. Një tjetër studim, arriti në konkluzionin se diabeti I llojit 1 mund të keqdiagnostikohet pas moshës 20 vjeç.

Studimi në Japoni, i kryer në periudhën 2015-2016, u përqëndrua te indeksi BMI, nivelet e sheqerit dhe ndjeshmëria e insulinës te 27 mijë persona pa diabet, të grupmoshës 30-50 vjeç. Shumica ishin meshkuj.