E kaloi burri yt vettingun?

Nga Agim Xhafka –
-O Shpresa, e kaloi burri yt vettingun?
-Qyqja, ça thu,mi goce! Raqi im është shofer në gjykatë.
-Ku pyesin këta ,moj korbë. Po i vunë kryq ia përlanë patentën.

***

-Pse je i mërzitur?
-Kam gruan shtatzanë. Bëri eko dje dhe…e kemi vajzë.
-Ti doje djalë?
-Po. Se i kam tre goca.
-Pa problem ta zgjidh unë hallin. Gocën ta kthej në djalë. 
-Si?
-Njoh ca artistë të shquar,mjeshtër të peticioneve. I kanë si nuskat që ysht hoxha. Ata i bëjnë një të tillë maternitetit me 120 firma dhe hop,ndryshon gjinia e bebit. E ke të sigurt.
-Ik,or’ budall.