Fluks në spitalin e Beratit

Në Spitalin Rajonal të Beratit ka një fluks të shtuar të pacientëve që paraqiten me simptoma gripale. Numri i qytetarëve që paraqiten për të kërkuar ndihmë në këtë spital shkon deri në 120 në ditë. Rastet që mjekët i klasifikojnë “të lehta” marrin kurën dhe kthehen në shtëpi, ndërsa pacientë të tjerë shtrohen në spital. Mjeku i Urgjencës, Xhezai Guri thotë se deri tani vetëm një pacient ka shfaqur ndërlikime dhe ai është dërguar për mjekim të specializuar në Tiranë.