Forcon imunitetin dhe mbron zemrën, të gjitha përfitimet e orizit të zi

riz i zi, i njohur edhe si “orizi i ndaluar”, është mbjellë që në lashtësi dhe përfitimet e tij shëndetësore njihen prej shekujsh. Ky ushqim shtrohej vetëm në tryezën e mbretërve, por sot gjendet gjerësisht edhe në treg. Ndonëse orizi i zi nuk është aq popullor sa orizi i bardhë, ai ka plot përfitime shëndetësore, që përfshijnë përmirësimin e shëndetit të zemrës, përmirësimin e shëndetit të aparatit tretës, parandalimin e diabetit etj.

Forcon sistemin imunitar

Oriz i zi është i pasur me antioksidantë që ndihmojnë trupin të luftojë dëmtimin e radikaleve të lira, të përmirësojë funksionin e trurit, të zvogëlojë inflamacionin dhe madje të ndihmojë në mbrojtjen kundër qelizave të këqija.

Mbron zemrën

Studimet kanë treguar se përfitimet shëndetësore të orizit të zi përfshijnë përmirësimin e shëndetit të zemrës. Oriz i zi ul rrezikun e formimit të pllakave në arterie dhe ndihmon në parandalimin e sulmeve në zemër dhe goditjeve në tru. Ky oriz gjithashtu përmban phytokimikate që punojnë për të mbajtur në nivele optimale kolesterolin.

Detoksifikon Trupin

Studimet kanë treguar se ngrënia e orizit të zi mund të ndihmojë në pastrimin e trupit nga toksina. Antioksidantët në orizin e zi punojnë për të reduktuar stresin oksidativ, të pastrojë mëlçinë dhe arteriet.

Ndihmon në parandalimin e diabetit

Duke ngrënë orizin e zi ju ngadalësoni përthithjen e sheqerit në gjak, duke reduktuar kështu rrezikun e për t’u prekur nga diabeti dhe mbajtjen e niveleve të duhura të sheqerit në gjak.Hulumtimet kanë treguar se ky varietet mund të ndihmojnë në parandalimin e rezistencës ndaj insulinës. Rezistenca e insulinës rrit gjithashtu rrezikun e obezitetit.