Fruthi është kthyer në epidemi, ja apeli i zv.ministres së Shëndetësisë…

Fruthi është kthyer në epidemi. Deklarata është bërë nga zv.ministrja e Shëndetësisë, Mira Rakacolli, sipas të cilës janë evidentuar 132 raste me fruth që nga janari i këtij viti dhe 94 raste janë vetëm në Tiranë.

Sipas saj grup moshat me të prekura janë fëmijë nga 0-1 vjeç dhe të pavaksinuar.

“Ne publikojmë shifrat çdo javë në buletinin e përjavshme dhe dje ka qenë shifra që unë publikova. Pra janë 132 raste në total që nga janari dhe 94 janë në Tiranë. Moshat më të prekura janë fëmijë nga 0-1 vjeç dhe të pavaksinuar që përbejnë rreth 74% të të prekurve. Fruthi përhapet përmes ajrit dhe e vetmja mbrojtje është vaksina, pasi pa atë fruthi do ishte si gripi. Bëhen dy vaksina, një në 1 vjeç dhe doza tjetër bëhet në moshën 5-vjeçare”, tha Rakacolli, në studion e Neës 24.

Ajo sqaroi se shenjat e fruthit janë të njëjta me ato të gripit në fillim.

“E thënë në mënyrë shkencore mund të them se kemi të bëjmë me një epidemi pasi shifrat kanë qenë 0 dhe janë rritur. Në ajër është e pamundur që Shqipëria t’i shpëtojë kësaj epidemie, pasi rastet janë shtuar në rajon dhe Evropë. Shenjat e para të fruthit kanë shenjat e gripit, sidomos 4 ditët e para. i apeloj qytetarët që t’i çojnë fëmijët e tyre nëse kanë dyshime në një nga 4 qendrat në Tiranë që qëndrojnë 24 orë hapur”, u shpreh ajo.