Gërhisni në gjumë? Ja disa këshilla se si ta parandaloni

Gërhitja gjatë gjumit, është një problem të cilin shumë njerëz e kanë, kryesisht meshkujt.

Por, një gjë e tillë është e rrezikshme, dhe mund të shkaktojë goxha probleme serioze për shëndetin.

Ndoshta është vështirë për ta ndaluar, por provoni këto mënyra, dhe shihni rezultatin.

Pastrojini hundët me ujë

Është mirë që para gjumit të pastroni hundët me ujë. Kështu mban grumbullimin e papastërtive nën kontroll dhe sinuset e pastra. Sigurohuni që të përdorni ujë të distiluar ose të zjerë për këtë proces.

Qëndroni të hidratuar gjithë ditën (dhe natën)

Kur hunda dhe sinuset thahen, gjithashtu çon në gërhitje sepse irriton dhe skuq rrugët e frymëshkëmbimit. Konsumoni lëngje gjatë gjithë ditës dhe përpara gjumit provoni të mbani kokën në avull për pak minuta.

Flini anash

Për të reduktuar gërhitjen, mundohuni të flini me shpinë a më pak të jetë e mundur. Kur flini me shpinë muskujt relaksohen te pjesa e pasme e fytit dhe e bën të vështirë frymëmarrjen.

Mos pini alkool para gjumit

Alkoli gjithashtu ngushton muskujt e rrugëve të frymëmarrjes e për pasojë shkakton gërhitjen. Disa orë përpara gjumit është mirë të mos konsumoni alkool.

Bëni një dush të nxehtë

Kjo lidhet me pikën e dytë. Avulli  do të hapë rrugët e frymëmarrjes, do zbusë irritimet e skuqjet që mund të keni dhe do të largojë sekrecionet e hundës.

Mos i injoroni alergjitë

Gërhitja mund të vijë si pasojë e ndonjë alergjie. Nëse nuk jeni në dijeni, bëni një kontroll te mjeku për të zbuluar nga se trupi juaj reagon keq.