Gripi, mjekët: Të vaksinohen edhe mësuesit

Mjekët thonë se vaksina anti-grip përveç personelit mjekësor duhet ofruar edhe për mësuesit. Gripi ishte tema e radhës në emisionin Hipokrati, dedikuar tërësisht shëndetit të njeriut.

Duke qenë se fund tetori, fillimi i nëntorit është periudha e duhur për të parandaluar gripi, Hipokrati propozoi që si pjesë e strategjisë të vaksinimit të popullsisë të shtoheshin edhe mësuesit, si një grup populate që kanë rrezik jo vetëm për tu prekur por edhe për ta transmetuar atë te fëmijët.

Teksa vendet europiane kanë plane veprimi për mbulimin e popullatës me vaksina kundër gripit, në Shqipëri prej 5 vitesh vaksina anti grip ofrohet falas vetëm për personelin mjekësor.