Italianët zgjedhin ‘kanabisin e lehtë’ në vend të ilaçeve me recetë

Një studim i ri ka zbuluar se kur zyrtarët në Itali e kishin legalizuar të ashtuquajturat produkte të lehta të kanabisit në vitin 2016, veprimi i paqëllimtë çoi në një prirje të paparashikuar: njerëzit filluan të përdorin kanabisin në vend të ilaçeve.

Kanabisi i lehtë është një produkt që rrjedh nga kërpi. Nganjëherë quhet një produkt “i ulët THC”, sepse zakonisht përmban më pak se 0.2 për qind të THC.

Kanabisi i lehtë u bë i disponueshëm në Itali vetëm pas një aksidenti nga ligjvënësit. Duke mos marrë parasysh të gjitha implikimet e një ligji të ri, zyrtarët italianë pa dashje bënë kanabisin e lehtë të ligjshëm për tu blerë.

Kjo do të thoshte se edhe fëmijët mund të blinin produktin e ulët THC, edhe pse nuk mund të blejnë duhan. Për më tepër, është e paligjshme të pini kanabis në Itali.

Një nga pasojat e padëshiruara është se mafia italiane filloi të humbiste paratë nga shitja e barnave të tregut të zi. Një vlerësim e vë humbjet e krimit të organizuar në rreth 160 deri 200 milionë euro në vit.

Konsumatorët italianë patën një interes në produktin që ishte aksidentalisht i ligjshëm dhe nuk mund të rekomandohej, por gjithsesi ata e blenë atë.