Ja sa optimistë janë shqiptarët për të ardhmen e fëmijëve

Anketa e Cilësisë së Jetës realizohet nga Komisioni Europian dhe shërben për të analizuar cilësinë e jetës, shoqërinë dhe shërbimet publike. Sipas Monitor, për herë të parë, anketa bëri pjesë edhe vendet kandidate për t’u anëtarësuar në BE, përfshirë këtu edhe Shqipërinë.

Nëse prisni që shqiptarët të mos jenë optimistë, e keni gabim. Shqipëria renditet krahas vendeve si Finlanda, Suedia dhe Danimarka në lidhje me optimizmin për brezat e ardhshëm. 75% pohuan se shohin një të ardhme më të mirë, ndërsa pjesa tjetër qenë më skeptikë.

Pra, Shqipëria nuk është me të vërtetë kaq e pashpresë sa thuhet. “E dini çfarë më mban ende këtu? Bindja ime se në gjithë këtë fatkeqësi jemi deri diku më fat. Në jetë fatet janë të ndara; disa i kanë gjërat gati, disa duhet t’i ndërtojnë vetë. Momentalisht, ne u takojmë ende të dytëve”.