Po kurohet me kancer malinje, zonja e parë e Sirisë: Gjej forcën tek populli sirian

Zonja e parë e Sirisë, Asma Assad i është drejtuar publikut një ditë pas publikimit të lajmit se po trajtohet kundër kancerit të gjirit, duke thënë se ajo ndan të njëjtën rezistencë si bashkatdhetarët e saj që kanë duruar vështirësitë e luftës.

 “Unë i përkas njerëzve [sirianëve] të cilët kanë mësuar botën për durimin, forcën dhe përballimin e mosmarrëveshjeve“, tha ajo në deklaratën e publikuar nga presidenca siriane.

Nëna e tre fëmijëve tha se është fuqizuar nga “vendosmëria dhe forca” e popullit sirian, i cili është rritur vetëm vitet e fundit.

Presidenca siriane njoftoi të mërkurën se 42-vjeçarja kishte një tumor malinje të gjirit, një nga më të rrezikshmit. Postimi u shoqërua nga një fotografi e Asma dhe burri i saj, Presidenti sirian Bashar Assad, i ulur në një spital të Damaskut.

Asma Assad u lind nga prindërit sirianë në Londër dhe u diplomua nga Kolegji Mbretëror atje. Në vitin 2000, shtetasja siriano-britanike u martua me Bashar Assadin. Çifti ka tre fëmijë: Hafez, Zein dhe Kareem.