Sëmundjet e patransmetueshme – Raporti: Ulet vdekshmëria në 13% për sëmundjet kardiovaskulare

Ulet  vdekshmëria nga  sëmundjet e patransmetueshme,  pavarësisht shtimit të rasteve të reja në  vitet e fundit edhe në Shqipëri. Sipas raportit të sëmundshmërisë të publikuar nga Instituti i shëndetit Publik  vihet re 70% të barrës së këtyre sëmundjeve e zënë ato kardiovaskulare dhe tumorale  ku  vetëm për vitin 2017  u evidentuan në vendin tonë  rreth 388 mijë raste të reja.

E pranishme në  këtë prezantim  ishte edhe Ministrja e Shëndetësisë, Ogerta Manastirliu  e cila foli mbi  fokusin e qeverisë në parandalimin  e  sëmundjeve  të tilla  si edhe në  investimet për  të kuruar   me efikasitet  duke  mbuluar  rreth 80% kostove nga buxheti i shtetit .

Ministrja  bëri publik edhe   një program të ri  për sëmundjet tumorale, krahas mamografisë së lëvizshme,  i cili do ti  mundësoj rreth 17 mijë grave  të kryejnë ekzaminime falas gjatë 2019-ës për kancerin e mitrës.