Ushqimet e restoranteve kanë më shumë sheqer se çokollata

Të gjithë i pëlqejnë ushqimet e restoranteve, por në fakt disa prej tyre përmbajën më shumë sheqer se ëmbëlsirat me çokollatë. Çokollata në madhësi normale ka rreth 35 gram sheqer, gati 7 lugë çaji me sheqer, shumë më shumë se sa duhet të merrni në një ditë. Këto ushqime të renditura më poshtë përmbajnë gati dyfishin apo trefishin e kësaj sasie.

Sallata me pulë

Shumë sallata të shpejta janë të ngarkuara me sheqerna të fshehura dhe kjo nuk është përjashtim. Një ekspert i ushqyerjes dhe dietetikës në Lafayette, ka thënë se “sheqernat vijnë nga salcat  e shegës, arrat e pjekura me mjaltë dhe domatet e thata”.

Mishi me salcë barbeque

Kjo pjatë ka rreth me 72 gram sheqer. Nëse heqim salcën do të shkojë në 15 gram sheqer. Salca e barbeque kontribuon në përmbajtjen e përgjithshëm të sheqerit në pjatë, pasi përmban mjaltë, ketchup dhe sheqer kafe.

Smoothie

Një gotë e vogël  përmban 91 gramë sheqer, ndërkohë që një pjesë e madhe ka dyfishin e asaj sasie, rreth 182 gram. Kjo varet sigurisht nga përbërësit që ka brenda. Por shumica e atyre që shiten në restorante kanë mjalt apo esenca të tjera dhe nuk janë 100% me fruta.