Aksidenti që i mori jetën vëllait të Gjestit, reagon Xheneta: Mos i shpërndani videot, tregoni humanizëm

Pas lajmit tragjik për vdekjen e vëllait të Gjestit, në një aksident në Pejë, kanë nisur të vijnë edhe reagime nga kolegë e miq të tij.  Xheneta Fetahu ka shprehur dhimbjen dhe solidaritetin e saj përmes një postimi në Instagram.

Ndërsa në një tjetër reagim, ajo ka bërë thirrje për më shumë humanizëm dhe ndjeshmëri, duke apeluar që të mos shpërndahen pamje të rënda nga ngjarja tragjike.

“Ju lutem, tregoni pak më shumë humanizëm dhe ndjeshmëri. Shumë e dhimbshme është për një nënë të shohë djalin e saj në ato pamje të rënda. Mos i shpërndani videot ku shihet vëllau i Gjestit i shtrirë pa jetë”, tha ajo.

Më tutje ajo shkroi: “Këto gjëra vetëm thellojnë plagët dhe rrisin dhimbjen e familjes. Në këto momente, më shumë se kurrë, ata kanë nevojë për lutjet dhe mbështetjen tonë, jo përhapjen e dhimbjes”.