Aksidentohet James Bond

Një aksident i rëndë ka ndodhur për aktorin që interpreton James Bond,Daniel Craig, i cili ka pësuar dëmtim të rëndë në njërin gju, gjatë xhirimeve në Meksikë për filmin e ri “Spectre”.

Kjo gjë ka bërë që Craig të operohet në New York me urgjencë, gjatë fundjavës.Mendohet se aktori mund t’iu rikthehet xhirimeve në fund të muajit prill.

Një zëdhënës i “Eon Productions” saktësoi se bëhet fjalë për një ndërhyrje e cila ka dalë me sukses.

Xhirimet e filmit “Spectre” nisën në studiot e Pinewood, në Buckinghamshire të Anglisë në muajin dhjetor. Pas kësaj xhirimet u zhvendosën në Romë, ndërsa së fundmi u ndalën në Meksikë.