Alketa Vejsiu tregon eksperiencën e saj të infektimit me COVID-19: Tregoni kujdes, nuk është shaka

“Vendos maskën” kjo është fjala me të cilën Alketa Vejsiu ka nisur postimin e saj në Instagram.

Moderatorja ka postuar një foto krah së cilës ka bërë dhe një shkrim ku ka treguar eksperiencën e saj me Covid-19.

Ajo e ka kaluar më herët Covid-in, por vetëm sot ka vendosur ta ndajë këtë lajm me publikun.

Vejsiu është izoluar për dy javë në shtëpi deri në momentin që tamponi i dytë rezultoi negativ.

Tani moderatorja është në gjendje të mirë shëndetësore gjithashtu duke i bërë nëj lutje të gjtihë ndjekësve të saj të kujdesen për veten pasi Covid-19 nuk është shaka.

“Coronen e kam kaluar, tamponi doli negativ para dy javesh! Qendrova 14 dite ne izolim ne shtepi. Jam mire per fat. Kam degjuar raste vertete te renda dhe lutem cdo dite qe Zoti te mbroje njerezit afer meje dhe te gjithe shqiptaret! Corona nuk eshte shaka. Kujdesuni per veten!

Falenderoni Zotin dhe Festoni cdo dite qe keni shendet dhe jeni ne jete!”- ka shkruar Alketa.