Ariana Grande rikthehet në Manchester për koncert bamirës

Ariana Grande të premten ka konfirmuar se do të rikthehet në Manchester për një koncert bamirës që të ndihmojë familjet e viktimave të sulmit terrorist që ndodhi të hënën në qytetin anglez. Burimet e afërta kanë konfirmuar se Ariana Grande do të rikthehet në Manchester të dielën, më 4 qershor, dy javë pas sulmit në këtë qytet. Këngëtarja 23-vjeçare do të organizojë këtë koncert, në të cilin do të ftohen shumë yje të tjera. Burime të TMZ-së kanë thënë se kompania Live Nation do të organizojë një koncert bamirës dhe se Ariana Grande ka ftuar disa yje që të performojnë në këtë koncert.