Ariana Grande vazhdon turneun në Europë

Ylli i popit, Ariana Grande ka vazhduar turneun e saj në Europë edhe pas sulmit terrorist në Manchester që mbetën të vdekur 22 persona dhe shumë të lënduar. Ajo performoi mbrëmjen e kaluar në Paris, ku pati masa të larta sigurie, pasi rrugët u bllokuan disa orë para se koncerti të fillonte. Stafi i sigurisë kontrolloi çantat e çdo personi dhe policët kontrolluan zonën me qen nuhatës. 23-vjeçarja u shfaq në skenë me të dashurin e saj, Mac Miller, i cili ishte mbështetje e madhe për të. “Ajo filloi të performonte përsëri pas ngjarjes tragjike dhe bëri kaq shumë për Manchester. Ariana dhuroi shumë para për familjet dhe shkoi të vizitonte vajzat e vogla në spital. Unë e adhuroj për atë që bën”, tha një 16-vjeçar për Reuters. Megjithëse shumë fansa ishin të pasigurt për t’u bërë pjesë e koncertit të saj të radhës, në fund pranuan se çdo gjë shkoi mirë dhe nuk pati probleme.