As e para as e fundit, Jennifer Lopez harron t’i heqë etiketën veshjes

Këngëtarja e njohur botërisht Jennifer Lopez, ka postuar në llogarinë e saj në Instagram, disa momente para përgatitjes për eventin e radhës së gjigantit të modës, Dolce & Gabbana.

J-Lo shfaqet teksa ecën në këmbë pasi del nga hoteli ku po qëndronte, duke shkuar drejt një taksie që do ta çonte atë në ceremoninë e rëndësishme.

Por detaji që i ka shpëtuar 52-vjeçares dhe ekipit që është përkujdesur për pamjen e saj, është etiketa e harruar në veshjen ikonike.

Kjo nuk është hera e parë që një person i rëndësishëm në botën e muzikës bën të njëjtën gjë, por kur i ndodh edhe divës Lopez, vëmendja e rrjetit është më e madhe.