Bëri simbolin e shqiponjës, Miss Serbia heq dorë nga konkursi i bukurisë

Një foto me simbolin e shqiponjës, bëri që Miss Intercontinental Serbia, Valentina Petroviç të heq dorë nga konkursi i bukurisë pas kritikave të shumta në mediat serbe. Në këtë foto ajo pozon së bashku me Miss Shqipërinë, Miss Malin e Zi dhe Miss Kosovën.

Fotoja e publikuar në rrjetet sociale nga Frontina Gashi, përfaqësuesja e Kosovës në konkurs, shkaktoi zhurmë të madhe mediatike në Serbi.

Valentina Petroviç ka kërkuar falje për atë që e cilëson moment spontaniteti të pamenduar dhe rënie në grackën e qëllimeve të këqija të dikujt tjetër, ndërsa bëri me dije edhe se ka hequr dorë nga gara.