Beyonce dhe Jay Z tërheqin vëmendjen në “US Open 2016”

Ajo së fundmi sapo fitoi një çështje ligjore kundër një regjisori që pretendonte të drejtat vizuale të albumit të saj “Limonade”. Bëhet fjalë për këngëtaren e njohur Beyonce, e cila është ndjekur nga sukseset e shumta së fundmi, pasi performanca e saj u cilësua nga më të mirat në MTV Video Music Awards, si dhe arriti të rrëmbejë plotë tetë çmime. E pas gjithë këtyre angazhimeve, ajo dhe bashkëshorti i saj, producenti i njohur Jay Z kanë vendosur që të pushojnë pak së bashku. Së fundmi ata janë fotografuar në hapjen e garës së madhe të tenisit “US Open 2016” në New York, ku kanë tërhequr vëmendjen e publikut me praninë e tyre. Beyonce dukej elegante si gjithnjë me një fustan dhe pelerinë ngjyrë kafe, me një grim mjaft të lehtë në fytyrë, teksa Jay Z kishte veshur një bluzë të zezë ku në të shihej flamuri i Amerikës.