Big Brother VIP/ Luiz Ejlli rifutet sonte në shtëpinë më të famshme, me të dhe dy banorë të rinj

Prime-i i kësaj mbrëmjeje i Big Brother VIP Albania 5 ka nisur mes emocionesh dhe surprizash për banorët dhe publikun. Shtëpia më e ndjekur në vend pritet të përjetojë ndryshime të rëndësishme, teksa dy banorë të rinj do t’i bashkohen garës, duke sjellë dinamika të reja në lojë.

Më herët, produksioni ka konfirmuar edhe hyrjen e Luiz Ejllit, fituesit të edicionit të dytë, një rikthim që ka ngjallur interes të madh dhe pritshmëri të larta tek ndjekësit e formatit.

Ndërkohë, vëmendje e veçantë i është kushtuar edhe Rogertit. Për të është hapur një televotim, ku publiku ka në dorë të vendosë nëse ai do të rikthehet apo jo në shtëpinë e Big Brother VIP. Vendimi i spektatorëve pritet të ketë ndikim të drejtpërdrejtë në ecurinë e lojës dhe marrëdhëniet mes banorëve.

Me hyrje të reja dhe vendime që varen nga vota e publikut, Prime-i i sotëm premton zhvillime të forta dhe tensione të reja në garën drejt finales.