Biseda me Kiarën, flet Maestro: Dasma e tyre do të jetë dasma e vitit dhe duhet të jepet live

Ata janë personazhet më in të medias. Moderatorja Kiara Tito dhe tenori Armaldo Kllogjeri krijuan raporte të mira gjatë qëndrimit në shtëpinë e ”Big Brother Albania Vip 2”. Pas daljes së Kiarës për herë të dytë nga shtëpia, Maestro duket se i ka lënë pas hatërmbetjet dhe e ka telefonuar Kiarën për të pyetur sesi po e përjetonte fazën e post-Big Brotherit.

Nga ana tjetër, ai zbuloi gjithashtu se së fundmi pas daljes së saj ai e ka marrë në telefon dhe e ka uruar për propozimin që ajo mori nga Luizi. Maestro është shprehur se dasma e tyre do të jetë dasma e vitit dhe duhet të jepet live në Top Channel.

Maestro është përgjigjur ndjekësve në lidhje me raportet me banorët e këtij edicioni të Big Brother Vip Albania. Më tej, tenori i njohur ka komentuar marrëdhënien e Luizit me Efin. Sipas tij Luizi ka të drejtë kur thotë se Efi po e përdor për të rritur ndjekësit në rrjetet sociale.