Buble anulon pjesëmarrjen në Brit Awards

Këngëtari Michael Buble raportohet se ka anuluar pjesëmarrjen e tij si udhëheqës i Brit Awards, për t’u fokusuar në përkrahjen e djalit për të mposhtur kancerin në mëlçi. Ylli 41-vjeçar, u ka thënë shefave të Brit se është i përqendruar që te shpëtojë jetën djalit të tij tre vjeçar, Noah. “Ai do të linte shenja të veçanta atë natë, pra është për keqardhje, por për momentin prioritet i tij është familja”, ka thënë një burim për gazetën The Sun. “Ishte vendim i vështirë, por Michael ka vendosur që ta lërë anash udhëheqjen e Brit Awards”, ka shtuar ky burim. Ceremonia e ndarjes së shpërblimeve pritet të mbahet më 22 shkurt në Londër.