Çfarë po ndodh me Instagramin? Pezullim llogarish, Ronaldo humb mbi 3 milionë ndjekës

Shumë përdorues në rrjetin social Instagram, nuk mund të futen në llogarinë e tyre, u është mbyllur llogaria ose kanë humbur një numër të konsiderueshëm ndjekësish.

Bllokimi filloi mëngjesin e së hënës dhe mesazhi më i shpeshtë që përdoruesit kanë marrë shkruan “Ne pezulluam llogarinë tuaj në 31 tetor, 2002”.

Platforma konfirmoi problemin në Twitter, duke thënë “Jemi të vetëdijshëm se disa prej jush kanë probleme me aksesin në llogarinë e Instagram. Ndërkohë që shqyrtojmë problematikën, ju kërkojmë ndjesë për shqetësimin”.

Pezullimet gjithashtu bënë që numri i ndjekësve të bjerë në mënyrë dramatike, për qindra profile. Për shembull, Cristiano Ronaldo humbi mbi 3 milionë ndjekës.