Dafina Zeqiri kërkon diçka që i përket Kylie Jenner

Këngëtarja Dafina Zeqiri si të gjithë pjesa tjetër e publikut dhe medias ka hedhur një sy nga “Keeping up with the Kardashians”.

Ndërkohë që e gjithë bota po fliste pa fund për shtatzaninë e 20-vjeçares, miqtë e saj të ngushtë, krahas familjes bënë çdo gjë që kjo të mbetej sekret për aq kohë sa Kylie kërkoi. Pikërisht për këtë fakt Dafina ka shprehur pak xhelozi.

Këngëtarja e hitit “Ti e Din” ka shkruar në Instagram-in e saj se do të dëshironte të kishte miq kaq të mirë sa ato të Kylie Jenner.

“Kylie ka miq të vërtetë, ata nuk zbuluan asgjë për 9 muaj rresht. Këto janë lloji i miqve që dua të kem rreth vetes”– është shprehur në një status në gjuhën angleze Dafina.