Dalin të vërtetat, Taylor Swift e ka tradhtuar Calvin Harris

Pak më herët u raportua se Calvin Harris do të bënte një këngë referuar tradhtisë së Taylor Swift dhe duket se zërat që qarkullonin ishin më se të vërteta. Lidhja e tyre u bë publike pothuajse një muaj më parë, por historia mes Taylor Swift dhe Tom Hiddleston ka filluar kohë më parë se ajo të ndahej nga Calvin Harris. Një gjë të tillë e ka konfirmuar një burim për “The Sun”, i cili ka rrëfyer se këngëtarja, e cila është njohur me aktorin në muajin shkurt, ka filluar romancën me të në muajin maj, gjatë kohës që Harris ishte i shtruar në spital si pasojë e një aksidenti automobilistik. “Fytyra e saj e vërtetë po zbulohet. E vërteta është se ajo njohu Tomin në shkurt dhe gjërat po ecnin vërtet shpejt. Ajo e kishte lënë pas dore lidhjen me Calvin më përpara se ta bënte këtë”, ka thënë burimi. Pas ndarjes, Calvin Harris është parë në shoqërinë e këngëtareve dhe prezantueseve të mirënjohura, por është ende herët për një lidhje.