Detaje nga “No I Love Yous” i Era Istrefit

Këngëtarja shqiptare, Era Istrefi, tashmë e kthyer në një prej zërave më të pëlqyer të muzikës botërore së shpejti do të publikojë edhe projektin e saj më të ri në bashkëpunim me superyllin e hip hopit, French Montana.

Por ndryshe nga sa pritej, publikimi i këngës së re është shtyrë për më 25 shtator për shkak se klipi ende nuk është xhiruar. Klipi i “No I Love Yous” do të xhirohet më 30 gusht në Los Angeles dhe më datë 25 shtator do të publikohet.

Një lajm i keq ky, për fansat e shumtë të këngëtares shqiptare, të cilët prisnin publikimin e këngës brenda këtij muaji, por për një këngëtare si Era Istrefi ia vlen të presësh.

Ndryshe nga sa jemi mësuar ta shohim, sëfundmi Era ka ndryshuar edhe modelin e flokëve duke u shndërruar në brune, mbetet për t’u parë nëse do të jetë ky edhe modeli që ajo do ketë në projektin e saj më të fundit.