DMX pëson sulm në zemër, reperi i njohur në gjendje kritike për jetën

Reperi dhe aktori amerikan DMX është në gjendje të rëndë në spital pas një sulmi në zemër. Lajmi është bërë i ditur nga avokati i tij Murray Richman. Richman tha për mediat amerikane se nuk e dinte nëse sulmi në zemër ishte sjellë nga mbidoza apo diçka tjetër . DMX ka luftuar fort, madje edhe publikisht, për të hequr dorë nga përdorimi i drogërave dhe kaloi një periudhë të gjatë në rehabilitim.

Ai është parë si një ikonë hip-hop dhe ka bashkëpunuar me artistë të njohur, duke përfshirë këtu JAY-Z, Ja Rule, Eve dhe LL Cool J. Gjithashtu DMX ka qënë pjesë e disa filmave. 50-vjeçari, emri i vërtetë i të cilit është Earl Simmons, u dërgua në spital në White Plains, New York.