Drejtori i ri për Teatrin Kombëtar, në garë katër kandidatë

Showbiz E Enjte, 17 Nëntor 2022 20:45

Ministria e Kulturës ka njoftuar se është gati të dëgjojë programet e kandidatëve për drejtor të teatrit kombëtar.

Dëgjesat do të mbahen në Ministrinë e Kulturës në prani të gazetarëve, po pa praninë e kamerave, njëlloj si është vepruar më herët edhe me procesin e përzgjedhjes së drejtorit të Teatrit të Operas dhe Baletit.

Konkursi është shpallur i hapur nga ministria e kulturës ditët e fundit të shtatorit dhe deri më tani 4 kanë qenë platformat që janë paraqitur në konkursin për postin e kreut të Teatrit Kombëtar.