Dua Lipa: Femrat do të udhëheqin botën

Dua Lipa është një këngëtare e re në tregun muzikor, por i ka ngjitur shumë shpejt shkallët e suksesit. Ajo është një nga këngëtaret më të famshme në tregun ndërkombëtar. Dhe tani Dua Lipa dëshiron që të përdorë platofrmën e saj për të mësuar gjeneratën e ardhshme se çfarë do të thotë të jesh feministe. Këngëtarja e “New Rules” është një feministe e hapur dhe thotë se kushdo që nuk beson në barazinë gjinore është “seksist”. Ylli i pop-it ka bërë një premtim për të edukuar brezin e ardhshëm duke përdorur këngët e saj për të predikuar respektin për burrat dhe gratë. Në një intervistë për ES Magazine këngëtarja me origjinë shqiptare tha: “Gratë janë e ardhmja e botës. Ne do të udhëheqim botën. Ideja ime për feminizmin është thjesht dashuria e barazisë. Është vetëm që gratë duan të trajtohen njësoj dhe të kenë mundësi të barabarta. Unë mendoj se ne vetëm duhet të mësojmë brezin e ri”. Dua gjithashtu foli dhe për grackën e famës, e cila ka pushtuar privatësinë e saj dhe nuk është në gjendje të kontrollojë se cilat aspekte të jetës së saj personale ndahen me botën.