Dua Lipa koncert falas në Tiranë, nënkryetarja e Bashkisë zbulon detaje

Ylli botëror i popit, shqiptarja Dua Lipa do të dhurojë një spektakël të madh më 28 nëntor, në sheshin ”Skëndërbej”. Koncerti falas i Duas në Tiranë për festën e Pavarësisë, përmbyll turneun e saj “Future Nostalgia”, i cili emocionoi fansat e 5 kontinenteve.

“Kishim kohë që e prisnim performancën e Dua Lipës. Nga të 5 kontinentet, ku ka pasur mundësi të shkojë me tur me këtë album, ky koncert në Tiranë është për të gjithë. Ofrohet falas. Mezi e presim natën e 38 nëntorit. Dua Lipa është një ndër ambasadoret më të mira që kemi ne. Përveç Dua Lipës, do të ketë një rend të artistëve të tjerë shqiptarë që janë të gjithë të pëlqyer”,-tregon nënkryetarja e bashkisë së Tiranës, Anuela Ristani, e cila u kërkon qytetarëve që të shkojnë në sheshin “Skëndërbej” sa më herët.

Pjesë e koncertit që mbahet për festat e nëntorit do të jenë edhe këngëtarë të tjerë shqiptarë.