Dua Lipa mbështet palestinezët: Spastrimi etnik duhet të marrë fund

Artisja shqiptare me famë botërore, Dua Lipa, e njohur për përfshirjen në problemet sociale, thotë se spastrimi etnik i popullit palestinez duhet të marrë fund.

“Spastrimi etnik i popullit palestinez duhet të marrë fund. Mjaft! Është çështje e të drejtave të njeriut. Zgjohuni njerëz”, postoi Lipa në llogarinë e saj në Instagram, ku ka më shumë se 66 milionë ndjekës.

Në llogarinë e saj, këngëtarja gjithashtu përfshiu fotografinë e Katedrales Notre Dame në Francë, e cila u dëmtua nga zjarri në vitin 2019 dhe zjarrin që shpërtheu në Mesxhid al-Aksa si rezultat i sulmeve të Izraelit. Ajo po ashtu ka bërë edhe thirrje për ndihmë për palestinezët.