Dustin Hoffman akuzohet për ngacmim seksual

Aktori amerikan Dustin Hoffman është akuzuar për ngacmim seksual ndaj një praktikanteje 17-vjecare në vitin 1985. Shkrimtarja Anna Grahahm Hunter deklaroi se aktori e ka prekur dhe i ka folur në mënyrë të papërshtatshme për marrëdhëniet seksuale. “Ai më kërkoi t’i bëja masazh në këmbë që ditën e parë të setit. Ai ishte flirtues, pasi më preku të pasmet, më fliste hapur për seksin. Një mëngjes kur shkova në dhomën e tij të zhveshjes për të marrë porosinë e mëngjesit, më pa nga koka te këmbët pa folur fare, pastaj u përgjigj: “Do të doja një veze të zier mirë”, tha ajo për Hollywood Reporter, duke shtuar se mori edhe komente të tjera, aspak të këndshme. Ajo është njohur me të në xhirimet e filmit “Death of a Salesman” dhe iu desh që të përballonte disa situata të tilla, që ishin ngacmime të hapura seksuale. Fituesi i cmimit Oscar, sot 80 vjeç nuk ka vonuar t’i përgjigjet denoncimeve ku shprehej se i vinte keq për këto situata të pakëndshme, por ka patur gjithnjë respekt maksimal për femrat.